“Алпомиш” достони образлари тавсифи

Туркий халқлар орасида «Алпомиш» (ўзбекларда), «Алпамыс», (қорақалпоқларда), «Алпамыс ботир» (қозоқларда), «Алп Манаш» (олтойликларда), «Алпамша» (қозон татарларида), «Алпамша ва Барсин Ҳиллу» (бошқирдларда) номлари билан машҳур бўлган мазкур асарлар қарийб бир асрдан буён фольклоршунослар диққатини ўзига жалб қилиб келмоқда. Чунки достон замирида туркий халкларнинг ўтмиши, бугуни ва албатта, келажак орзулари ўз ифодасини топган. Мазкур мақолада «Алпомиш» достони туркий халқлар фольклорининг ноёб бадиий ёдгорлиги сифатида эътироф этилади ҳамда ундаги бош қаҳрамонлар тавсифи ҳақида фикр юритилади.